• er erfinginn minn orðinn árinu eldri. Erfinginn sem spurði mig "skelkaður" um daginn hvort að ég ætti kærasta, það fannst mér verulega fyndið hehe. Hann er reyndar reglulega fyndinn sjálfur....hefur átt ansi góða spretti upp á síðkastið þar sem sumir frasanna munu jafnvel rata í næsta þorrablót ú jeee. Það sem ég er samt minna ánægð með er Metallica skeiðið sem hann er á núna....skil ekkert í því að hann hafi ekki erft tónlistarsmekk móður sinnar sem fólst í Michael Bolton og fleiri mætum tónlistarmönnum hehe.
• er ég búin að eiga margar quality stundir með hundinum "mínum". Við höfum farið út á nes í alls konar veðurfari...en í eitt skiptið varð útlendingum svo um og ó að þeir stoppuðu mig og spurðu hvort að ég vildi far. Þetta var í mígandi rigningu og roki...en þegar ég afþakkaði pent kom dásamlegur svipur á þau og hafa pottþétt hugsað með sér "what a stupid icelander".
• hefur mér verið bent á, svona í upphafi ferðar út á nes, að fara vinsamlegast ekki undir ákveðinn kílóafjölda svo ég verði eigi flatbrjósta....ég efast nú reyndar um að hætt sé við því í mínu tilfelli...
• hef ég farið á hina dásamlegustu unglistarhátíð sem sögur fara af. Þess ber að geta að bumbusjóðurinn sigraði fyrirtækjakeppnina, reyndar naumlega, en sigur var það engu að síður...skil reyndar ekkert í því að við höfum ekki líka fengið búningaverðlaunin.
• hef ég lent í lífsháska....þar sem ég hélt að kríur myndu stúta mér....og ég er voða voooooða glöð að enginn sá mig, svona með tilliti til aðstæðna og tímasetningar hehe :)
• hef ég farið í sumarfrí...sem ég veit reyndar ekki hvert fór, sennilegast bara í Græna. Allavega er ég enn með marblett því til sönnunar, enda búin að fara í alvöru verk svo sem slá frá, moka upp úr grunni (þar sem ég var skömmuð því naglar og fleira drasl flaug of langt) og fleira svona Bubba byggir legt. Er alltílæ þegar ég, húsvörðurinn og frænkan færum til plamma...sem sex fullvaxta karlmenn áttu að færa til? Tja...kannski ef maður tekur til greina að húsvörðurinn er á við fimm....og við frænkur kannski á við hálfan hehe.
• hef ég, þrátt fyrir svínaflensuótta, skotist til RVK og náð að eyða þar, svipuðu ef ekki meira en for ðí krepp in átlandis on a long wíííktrip......Skítt með það, ég á fyrir vikið alveg ógó flotta hlaupaskó....jájá:)
• hef ég fengið dásamlegar heimsóknir :)
• hef ég farið á HESTBAK ó já....og ég datt ekki af baki.....og held að ég gæti bara alveg aaaaalveg vanist þessu :)
• hef ég hins vegar ekki málað þak og glugga hallarinnar líkt og ég var með háleit plön um....reyni að gera það bara næsta sumar :)

...númm og svo eru spennandi tímar framundan sem fylgir þessum uppáhalds árstíma mínum. Kindurnar fara að koma til síns heima og af réttum missi ég ekki í ár. Vonandi kemst ég í réttir óbrotin og á lífi.

...og svo byrja ég í (tónlistar)skólanum í næstu viku. Tók reyndar forskot á sæluna um síðustu helgi og spilaði á einhvurri kveldvöku með kennaranum...en það verður spennandi að sjá hvað mér verður sett fyrir í vetur :)

...sumsé, bara gleði gleði....og nú hef ég bloggað svo mikið að ég þarf ekki að blogga aftur fyrr en á aðfangadag! :)

::