sunnudagur, júlí 05, 2009

::MEN...::


...ég er latur bloggari. Enda hef ég takmarkaðan tíma til þess arna en bezt að týna til það helsta sem á daga mína hefur drifið síðan síðast.


...ég fór vitanlega í fjallaskokkið, enda ekki löglega afsökuð eins og sumir með tognað bak jaggidíjaggidíjagg. Bætti tímann lítillega síðan í fyrra, reyndar í formi sekúntubrota hehe, en samt sátt. Ástand fóta minna var líka með ágætum við "niðurkomu" svo ég var ekki löglega afsökuð að slá slöku við í hreyfingunni. Langar að fara aftur yfir fjall í sumar....tekst vonandi :)


...að loknu fótboltamóti fórum við mægðin í sumarbústað til ma og co. Það var lúvlí....voða voða lúvlí....borðuðum heimalagaðan ís í sveitinni, gerðum fíbblagang, spiluðum matador, ég prjónaði o.fl.


...heimilið telur nú 5 í heimili, þ.e. til viðbótar við okkur mæðgin, páfagaukinn og gullfiskinn höfum við ættleitt kött sem vantaði gott heimili. Örlög kattarins, sem ber hið virðulega nafn Sambó, eru reyndar döpur að þurfa að láta hin dýrin í friði...hann hefur nokkrum sinnum þurft að fara í skammarkrókinn fyrir að vera full vinalegur við fuglinn og fiskinn....en ekkert í dag. Á meðan hann lætur sér líka duga að fá sér aðeins súp hjá fiskinum er ég bara nokk happí með þetta :)


....mjá og svo ég hafi nú ekki alveg verið sú spenntasta fyrir þessari fjölgun í heimili verð ég víst að viðurkenna að mér finnst þessi nýji heimilismeðlimur hinn ágætasti. Við ræðum t.a.m. heimsmálin, hann étur flugurnar og er voða voða glaður þegar ég kem heim :) Ætli það styttist samt ekki í að ég bræði úr ryksugunni....hvað um það því fagur er þessi ´ssska :)

...svo sinni ég líka hundinum "mínum" sem á reyndar ekki lögheimili hjá mér. Í gær gerðum við okkur t.d. lítið fyrir að arka út að Ánastöðum og til baka. Í dag finnst mér það hins vegar ekki eins mikið afrek og í gær....og stefni að því að fara enn lengra við tækifæri.

...annars er það nýjasta og heitasta sú staðreynd að húsvörðurinn er farinn að notast við mig í heyskap. Nú þeysist ég um túnin í Græna á gugglfagglegum Massey, rauðum og opnum og veit svona nokkurn veginn hvað ég er að gera. Ég kann að bakka, skipta um gír, stoppa og taka af stað án þess að drepa á og já m.a.s. að setja í gang. Mér finnst þetta wúúúúnderfúl ;) Í dag þurfti ég reyndar að aka öðrum Massey frá Græna og út í Höfða (og já til baka) og fór svona smá krókaleiðir til að fólk yrði nú minna vart við mig. Neinei...þá var Helena náttúrulega úti með gesti....og svo mætti ég gömlu flingi....eða kannski ekki svo gömlu...og fling er kannski aðeins of vægt til orða tekið...á Strandgötunni, týpísk ég...týpísk. Bakaleiðin var því tekin með trompi og aðalleiðin farin án nokkurs vandræðagangs hehe

...og nú er ég hætt, finnst ég full málglöð svona rétt fyrir háttinn ;)

~Ellan~ kl. 11:06 e.h. © ::

::

---